Duftslökkvitæki

fttæki eru til af þremur gerðum og eftirtöldum stærðum: 
1 kg., 2 kg., 6 kg., 9 kg. og 12 kg.

Við verð og gæðasamanburð skoðið slökkvimátt tækjanna þ.e. hversu mörg
A og B tækin hafa. Því hærri því meiri slökkvimáttur.
 

Dufttæki með mæli þar sem hægt er að fylgjast með þrýstingi á tækinu. Þá er beinn þrýstingur á slökkviduftinu í kútnum. Þessi gerð er algengust ásamt því að vera ódýrust og hentar vel inni á heimili. Þessi tæki eru líka ódýrust í viðhaldi þar sem velflest alla vega þær gerðir sem við erum með þurfa aðeins umhleðslu á 5 ára fresti. Tækin eru jafn öflug og aðrar gerðir eða öflugri. Það sést auðveldlega ef átt hefur verið við tækið m.a. að innsigli er rofið, mælir fallinn og duft í slöngu.
Dufttæki með innanáliggjandi gasþrýstigjafa Þá er þrýstingur í litlu hylki inni í tækinu og þegar tækið er opnað þ.e. handfangi þrýst saman eða slegið á hnapp ofan á tækinu (fer eftir gerð) fer þrýstingurinn af hylkinu út í tækið sjálft. Sum þessara tækja eru með handfang á slöngu til að stjórna duftrennslinu (þau sem slegið er á hnappinn). Til að fylgjast með tækinu þarf að vigta innihaldið og þrýstigjafann. Það sést auðveldlega ef átt hefur verið við tækið m.a. að innsigli er rofið og duft í slöngu.
Dufttæki með utanáliggjandi gasþrýstigjafa er útbúið á svipaðan hátt og tækið með innanáliggjandi gasþrýstgjafa en hylkið er utan á tækinu. Þá er fyrst skrúfað frá því til að fá þrýsting inn á tækið. Þessi tæki eru með handfang á slöngu til að stjórna duftrennslinu. Þessi gerð er dýrust og jafnframt vandaðasta gerðin. Til að fylgjast með tækinu þarf að vigta innihaldið og þrýstigjafann. Það sést auðveldlega ef átt hefur verið við tækið, m.a. að innsigli er rofið og duft í slöngu.