Slökkvilið Ölfus

Í dag 7. september 2005 var gengið frá samningi við Sveitarfélagið Ölfus um slökkvibifreið yfirbyggða hjá ISS-Wawrzaszek. Bifreiðin verður afgreidd seinni hluta árs 2006. Bifreiðin er af TLF4000/200 gerð og er undirvagn af gerð Renault Kerax 420.19 4x4 4.100mm.   Heildarburðargeta bifreiðar er 19 tonn og má gera ráð fyrir að í þessari útfærslu yrði bifreiðin um 17 tonn. Hestöfl pr. tonn eru rúm 24,24 og telst það mjög kraftmikil slökkvibifreið. Hámarkshraði er 125 km/klst.   Sjá mynd af svipaðri bifreið.

Frá undirritun samnings í Þorlákshöfn
Myndin er frá undirritun samningsins. Lengst til vinstri Benedikt Einar Gunnarsson frá Ólafi Gíslasyni & Co hf. þá sveitarstjórinn Ólafur Áki Ragnarsson og til hægri Guðni Ágústsson slökkvistjóri

 

Frá undirritun samnings í Þorlákshöfn
Ekki nægði að skrifa undir heldur voru kaupin einnig handsöluð.
Til hamingju íbúar Ölfuss.
Ljósmyndari var Gunnar Már



Í ökumannshúsi eru fimm eða sex sæti, ljós, sjálfstætt hitakerfi (Webasto miðstöð), handstýrður ljóskastari, hitaðir speglar og aukaspeglar, ljós í þrepum sem kvikna við opnun hurða, endurskin á hurðum. Renault útvarp FM/AM og Motorola forritaðri talstöð.

ISS-Wawrzaszek mannskapshús
Hér má sjá inn í aftari hluta tvöfalds áhafnarhúss


Öryggisbelti í sætum og áklæði á sætum hreinsanlegt. Fjaðrandi ökumannsæti, sírena með hljóðnema, blá stróbljós í grilli að framan og aftan, strópljósarenna á þaki og lofthorn. Hljóðmerki tengt bakkljósi. 24V rafkerfi, rafall 2.200W og rafgeymar 2 x 180Ah. Höfuðrofi. Litur bifreiðar rauður og merkingar. Varahjólbarði á þaki laus.

Efni yfirbyggingar úr ryðfríum efnum, trefjaplasti og álprófílum.  Þak er vinnupallur með upphleyptum álplötum, burður 450 kg./m2. Þrír skápar á hvorri hlið og einn að aftan. Rykþéttar rennihurðir úr áli með læsingum. Ljós kviknar í skápum við opnun og eins er rofi í ökumannshúsi. Vinnuljós sem gefa 5 til 15 Lux í 1 m. fjarlægð. Öll handföng, hurðir og lokur eru gerðar fyrir hanskaklæddar hendur. Vatnshalli í skápum. Yfirborð þaks er með stömu yfirborði og gólf í skápum er með stömu yfirborði en hægt að klæða með upphleyptum álplötum. Vatnstankur 4 m3 úr trefjaplastefni með tilheyrandi búnaði. Froðutankur 150 til 200 dm3 úr trefjaplastefnum með tilheyrandi búnaði.  Möguleiki á að fylla froðutank frá þaki og svo frá jörðu.  Brunadælan er staðsett að aftan, upphituð frá kælikerfi bifreiðar.

ISS-Wawrzaszek teikning
Hér er teikning af bifreiðinni


Hillur og pallar með læsingar í opinni stöðu. Þær innréttingar sem staðið geta 25 sm. út frá bifreiðinni eru með endurskin.

Dæla seltuvarin úr bronzi og stáli. Tveggja þrepa 4000 l/mín við 10 bar og 250 l/mín við 40 bar. Hámark vatns á háþrýstiþrepi 150 l/mín. Gerð Ruberg R40/2.5. Froðukerfið er frá tanki og við sog frá opnu. Háþrýstislöngukefli ¾¿ með 90 m. slöngu, úðastútur stillanlegur og með froðutrektum. Froða í gegnum úðastút. Slöngukeflið er raf- og handdrifið. Úttök frá dælu eru fjögur 75mm til hliðanna inn í skáp. Eins er lögn að háþrýstislöngukefli. Dælan getur fyllt á tank og eru afköst 1.700 l/mín. Sog er annars vegar 125mm Ø og 75mm Ø. Lögn frá tanki að dælu 125mm Ø. Mælaborð dælunnar er með sogmæli, lágþrýstingsmæli, háþrýstingsmæli, vatnsmæli, froðumæli, snúningshraðamæli dælu, stöðvunarrofa á bílvél, klst. mæli og viðvörunarljós fyrir olíuþrýsting og kælivatn.  Dælan er einstaklega vel útbúin.  Að vatnstanki er eitt inntak með einstreymisloka Storz B ásamt kúluloka til að taka vatn frá brunahana með þrýstimæli.

Dælan er búin rafstýrðum gangráð sem tryggir stöðugan þrýsting í þrýstihluta dælunnar. Það þýðir að hægt er að skilja dæluna eftir mannlausa í slökkvistarfi því hún stýrir þeim þrýstingi sem óskað er eftir. Eins er dælan með varnarbúnað gagnvart óhreinindum sem valdið geta skemmdum.  Froðublandari er mekanískur er frá 1% til 3% á allt afkastasvið dælunnar. Frávik ±0,5%. Allt froðukerfið er gert úr efnum sem þola froðu og er úr ryðfríum efnum.  Ryðfrítt stál er notað.  Hægt er að dreina allt dælukerfið með einum loka.  Miðstöðvar eru í einhverjum skáp í yfirbyggingu, dælurými og ökumannshúsi af Webasto Air Top gerð.  Þessar miðstöðvar verja vatns- og froðukerfi fyrir frosti allt að ¿25°C. Á soghlið dælunar er síubúnaður sem verja á hana óhreinindum bæði frá opnu og vatnstanki. Tryggir örugga notkun dælunnar. Ljósamastur er loftdrifið með ljóskösturum 2 x 1000W. og snúan- og veltanlegir með stýringu. Rafstöð 4,5 kW á útdraganlegum palli tengd ljósamastri.

Með bifreiðinni kemur Rosenabuer Otter laus brunadæla sem afkastar 1.100 l/mín við 4 bar. á útdraganlegum palli.

Eins er í mælaborði í ökumannshúsi ljós fyrir vatns og froðutank, ljósamastur eða úðabyssu, hurðir og ástig opin, hleðslutengingu, skápaljós og loftflautu. Öllum miðstöðvum stýrt þaðan.

Öll gólf og ástig í skápum klædd með upphleyptu áli. Prófílar sem er stillanlegir í hæð eða breidd í skápum fyrir hillur og innréttingar.


16.08.06 Sjá bifreið í verksmiðju

19.08.06 Verið að leggja lokahönd á smíði

30.08.06 Lokafrágangur

7.09.06 Síðustu myndir fyrir ferðlagið til útskipunarhafnar

14.09.06 Á hafnarbakka

18.09.06 Komin upp að húsi