Fréttir

Nú í byrjun júní tókum við niður búðir okkar í Kárahnjúkum við Sandfellið en þetta svæði er nú að fara undir vatn. Tjaldskemman okkar upp á 270 m2 var erfið viðfangs en að lokum tókst að koma dúk og burðarvirkjum fyrir á fleti sem flutt var svo til Reykjavíkur. Við stefnum svo að því vegna verulega aukinna umsvifa að setja skemmuna upp hér á Reykjavíkursvæðinu.

Vegna sumarleyfa þá breytum við til og höfum opið frá kl. 8.00 til kl. 16.00 og verður svo fram til 16. ágúst.

Slökkvilið höfuðborgarsvæðisins hefur fengið Waterfog úðastúta sett en þeir eiga Waterfog úðastútasett fyrir.

Brunavarnir Suðurnesja eru að fá frá okkur í dag Cutters Edge keðjusög af gerðinni CE-2171RS en þetta er önnur sögin sem við seljum af þesssari gerð. Fyrst til var Slökkvilið Akureyrar að fá slíka sög. Þessar sagir eru sérstaklega gerðar fyrir slökkvilið og björgunarsveitir og sérstaklega áreiðanlegar við slæmar aðstæður.

Í dag var opnað útboð á vegum SHS í gámalyftubifreið og eins og fyrirsögn fréttarinnar segir vorum við ekki á markaskónum í þessum leik enda kannski ekki von þar sem umboðsaðilar undirvagna buðu einnig og í verði slíkrar bifreiðar er lyftan ekki stór hluti. Eðlilegt er því að þeir skori.

Í vikunni fengu Húsvíkingar fullkomið sett af Holmatro björgunartækjum af 4000 gerðinni í Core kerfinu.  Nýjar klippur af stærstu gerð, glennara, tjakk og dælur tvær af PPU 15 gerðinni. Einnig petalaklippur með sérdælu.

Eftirspurn hefur verið nokkur eftir sambyggðum gas og svefngasskynjurum fyrir þá sem ætla erlendis með hjóhýsi eða húsbíla sína.

Fleiri og fleiri festa kaup á Tohatsu brunadælum enda er það staðreynd að þær eru afkastamiklar, einfaldar, öruggar  og ódýrar.  Slökkvilið Borgarbyggðar fær á næstunni Tohatsu VC82ASE brunadælu sem er sú afkastamesta í röðinni en hún skilar 2.050 l/mín við 6 bar og 3m. soghæð um 6m. barka. Einstök í sinni röð og þyngd hennar er aðeins 94 kg. Fyrir stuttu fékk Slökkvilið Grenivíkur sams konar dælu.

Hvernig byggist háþrýstingur upp í brunadælum þar sem öll hjólin eru á sama ás ? Hvernig er hlutfall milli lágþrýstings og háþrýstings þegar þrýstingur kemur að dælu eins og t.d. úr brunahana ?

Í tímaritinu Fire & Rescue apríl tölublaðinu er fróðleg grein um Cutters Edge keðjusagir. Fyrirsögn greinarinnar er "Þegar keðjusög er eina tækið til að komast inn".