Fréttir

Nú í mars var haldið námskeið fyrir þjónustuaðila handslökkvitækja á vegum Brunamálastofnunar en tveir starfsmanna okkar sóttu það námskeið og verða því fimm starfandi réttindamenn i slökkvitækjaþjónustu okkar ef að líkum lætur. Á námskeiðinu kom upp fyrirspurn um merkingar þeirra slökkvitækja sem flutt eru til landsins. Spurt var hvort  það væri ekki nauðsynlegt að upplýsingar um  slökkvimátt kæmu fram á  leiðbeiningarmiðum slökkvitækja. Svarið var að það væri ekki nauðsynlegt. Þetta þótti okkur einkennilegt.

Fyrirtækið Profile Vehicles OY er í Iilsalmi í Finnlandi. Starfsmenn eru um 100 talsins og framleiðsla þeirra á síðasta ári voru 400 bifreiðar. Framleiðslan fer fram í nokkrum löndum. Fyrirtækið er stærsti framleiðandi sjúkrabifreiða í norðanverðri Evrópu. Af heimamarkaði eiga þeir um 85% og hafa selt á þeim markaði um 2000 bifreiðar. Það nýjasta frá Profile er byggingaraðferð þeirra Genios. Genios gerðina buðum við í síðasta útboði. Lesið nánar um Genios hér.

Nú fyrir stundu var opnað útboð á vegum Slökkviliðs höfuðborgarsvæðisins á kaupum á eiturefnagám, björgunartækjagám og reykköfunartækjagámi sem afgreiða á þessu, næsta og þar næsta ári.

Rkí er þessa dagana að dreifa Gallet F2 Xtrem hlífðarhjálmum fyrir sjúkraflutningamenn. Með hjálmunum eru hlífðargleraugu og Peli MityLite 2430 ljós með rofa og hjálmfestingu.

Fimmtudaginn 1. mars var ný slökkvibifreið vígð á Egilsstaðarflugvelli. Við leyfum okkur að taka frétt af vefsíðu Flugstoða ohf. um atburðinn en því miður vegna flutninga fyrirtækisins gátum við ómögulega komið því við að vera viðstaddir og þótti það leitt en við höfum ávallt verið viðstaddir þær gleði og ánægjustundir þegar ný slökkvibifreið frá okkur er formlega tekin í notkun.

Í dag kom til okkar sölustjóri Albatros International, Henning Hansen til að kynna ný efni og nýjar gerðir hlífðarfatnaðar og vinnueinkennisfatnað fyrir slökkviliðsmenn. Hlífðarfatnaðurinn er með nýju sniði og úr  Kelvar og Titan efnum sem er það nýjasta í dag.

Ljósin hafa verið á markaðnum um nokkurn tíma en þau hafa verið endurbætt með því að gera hettuna úr endurskinsefni sem tekur í sig allt ljós hvort sem það er frá ljósinu sjálfu eða umhverfinu.

Föstudaginn 23. febrúar verður lokað vegna flutninga. Ólafur Gíslason & Co hf.  flytur þá í annað húsnæði sem er ekki langt undan eða í Sundaborg 7 og verður opnað þar mánudaginn 26. febrúar.

Undanfarið hefur verið mikið spurt um vinnueinkennisfatnað fyrir slökkviliðs og sjúkraflutningamenn. Ástæðan er víst vegna erfiðleika við að fá slíkan fatnað þar sem þjónusta þeirra sem skaffa eiga er víst döpur.

Frá Cepco Tool Company bjóðum við margs konar stoðir, stuðningsfætur, tjakka, keðjur, bönd, króka og hausa til notkunar við að tryggja og skorða af t.d. bifreiðar eftir ákeyrslu eða útafkeyrslu. Eins til að tryggja vinnu við önnur björgunarstörf, rústabjörgun eða þess háttar björgunarstörf.