Innnes

Ágætu viðskiptavinir Við óskum ykkur og fjölskyldum ykkar gleðilegra jóla og friðsældar um hátíðina.

Nú í desember hefur verið óvenjumikil sala á slökkvitækjum, reykskynjurum og eldvarnateppum. Við vorum nokkuð vel viðbúnir en urðum þó uppiskroppa með 6 kg. duftslökkvitæki fyrir nokkrum dögum.

Í dag var opnað útboð fyrir Rauða kross Íslands á sjúkrabifreiðum. Það fór eins og við höfðum ímyndað okkur að viðskiptavinur RkÍ til nokkurra ára nú, er í lægstu sætunum og býður nú undir þremur nöfnum og þá líklega þremur kennitölum.

Nú á næstu dögum fer slökkvibifreiðin fyrir Brunavarnir á Héraði og Flugmálastjórn í skip. Hér er án efa ein glæsilegasta slökkvibifreið sem hér á landi verður en hún verður staðsett á flugvellinum á Egilsstöðum. Hér getið þið skoðað myndir af bifreiðinni.

Hér eru upplýsingar um búnað til slökkviliða sem settur hefur verið á útsölu. Hér er er ýmis búnaður eins og fatnaður, reykköfunartæki, úðastútar, ljós ofl. Um leið veitum við góða afslátt af þeim búnaði sem við eigum á lager hjá okkur. Eingöngu fyrir slökkvilið. Útsala þessi er til 22. desember eða meðan birgðir endast. Smellið á myndirnar.

Við höfum undanfarin ár flutt inn Scott reykköfunartæki frá Bandaríkjunum sem þið getið lesið um hér en það eru Air Pack Fifty tæki sem eru mjög vönduð tæki sem fylgja NFPA stöðlum. Nú vekjum við athygli á Scott Propak reykköfunartækjum sem við erum komnir með en þau koma hingað frá Evrópu og uppfylla evrópska staðla.

Ég var svo heppinn að vera boðinn á fræðslufund hjá Brunavörnum Árnessýslu en þar hélt Höskuldur Einarsson frá Slökkviliði höfuðborgarsvæðisins fyrirlestur um eiturefnavarnir og þann búnað sem SHS hafa nýverið fengið til sín.

Eins og flestir vita sem með hafa fylgst  þá bauð Ríkiskaup fyrir hönd Brunamálastofnunar út búnað fyrir slökkvilið til reykköfunar og viðbragðs við mengunarslysum og var það opnað í dag að viðstöddum 9 bjóðendum og fulltrúum Brunamálastofnunar Birni Karlssyni brunamálastjóra og Elísabetu Pálmadóttur skólastjóra.

Nú er hin árlega Eldvarnavika að hefjast. Við höfum reynt að undirbúa okkur fyrir þessa viku en gera má ráð fyrir aukinni sölu á ýmsum eldvarnabúnaði í kjölfarið.  

Í dag afhentum við það sem eftir átti að afhenda af hlífðarfatnaði til útgerðarfyrirtækisins Þorbjarnar hf.  í Grindavík. Þorbjörn hf. er fyrsta fyrirtækið sem kaupir um boð í skip sín Weenas Pbi Kelvar hlífðarfatnað en það er sá hlífðarfatnaður sem m.a. Slökkvilið höfuðborgarsvæðisins notar.