Innnes

Okkur voru að berast niðurstöður úr kerruútboði Brunamálastofnunar en ákveðið var að taka tilboði Sigurjóns Magnússonar ehf. eins og fram kemur hér að neðan.

Í frétt Morgunblaðsins og Skessuhorns í dag kemur fram að Bjarna hafi verið veitt viðurkenningin Vestlendingur ársins 2006 en eins og allir slökkviliðsmenn vita er Bjarni slökkviliðstjóri í Borgarnesi (Borgarbyggð).

Nú líður að áramótum. Við viljum þakka viðskiptavinum okkar fyrir viðskipti, samstarf og samvinnu á árinu. Þetta ár var annríkt og að sama skapi árangursríkt. Það getum við þakkað viðskiptavinum og starfsmönnum.

Einstæð fjögurra barna móðir missti allt sitt í eldsvoða á Þorláksmessu. Engum tryggingum var til að dreifa. Svona hljómar fyrirsögn í Morgunblaðinu í dag. Hafin hefur verið söfnun fyrir fjölskylduna og þeir sem vilja leggja henni lið er bent á bankareikninginn 1152-26-1277 kt. 300377-5569.  

Nú 20. desember fékk Grunnskólinn í Borgarnesi Pensi burðarstól fyrir fatlaða einstaklinga sem nota á ef þörf verður á að rýma skólahúsnæðið tafarlaust.

Ágætu viðskiptavinir Við óskum ykkur og fjölskyldum ykkar gleðilegra jóla og friðsældar um hátíðina.

Nú í desember hefur verið óvenjumikil sala á slökkvitækjum, reykskynjurum og eldvarnateppum. Við vorum nokkuð vel viðbúnir en urðum þó uppiskroppa með 6 kg. duftslökkvitæki fyrir nokkrum dögum.

Í dag var opnað útboð fyrir Rauða kross Íslands á sjúkrabifreiðum. Það fór eins og við höfðum ímyndað okkur að viðskiptavinur RkÍ til nokkurra ára nú, er í lægstu sætunum og býður nú undir þremur nöfnum og þá líklega þremur kennitölum.

Nú á næstu dögum fer slökkvibifreiðin fyrir Brunavarnir á Héraði og Flugmálastjórn í skip. Hér er án efa ein glæsilegasta slökkvibifreið sem hér á landi verður en hún verður staðsett á flugvellinum á Egilsstöðum. Hér getið þið skoðað myndir af bifreiðinni.

Hér eru upplýsingar um búnað til slökkviliða sem settur hefur verið á útsölu. Hér er er ýmis búnaður eins og fatnaður, reykköfunartæki, úðastútar, ljós ofl. Um leið veitum við góða afslátt af þeim búnaði sem við eigum á lager hjá okkur. Eingöngu fyrir slökkvilið. Útsala þessi er til 22. desember eða meðan birgðir endast. Smellið á myndirnar.