Fréttir

Við viljum óska viðskiptavinum okkar gleðilegs árs og þökkum viðskipti og samskipti á liðnu ári. Við getum ekki verið ósáttir við síðasta ár en á því ári var tekið á ýmsum nýjum viðfangsefnum. Til gamans nefnum við hér hluta þeirra.

Nú á haustmánuðum komu fulltrúar Brunamálastofnunar til að gera úttekt á þjónustustöð okkar fyrir slökkvitæki. Að sögn var markmið úttektar að gera samanburð á þjónustustöðvum og afla upplýsinga um  í hvernig ásigkomulagi þjónustustöðvar eru almennt. Finna út sem sagt hvernig er staðið að þjónustu slökkvitækja. Þessa úttekt átti að gera um land allt.

Í dag fékk Rauði krossinn afhentar tvær MB Sprinter Profile fjórhjóladrifnar sjúkrabifreiðar, þær fyrstu á Íslandi Til hamingju.

Í tilefni 80 ára afmælis okkar er ætlunin að vera með sérstök tilboð fyrir viðskiptavini okkar nú í nóvember og fyrri hluta desember. Um miðjan mánuðinn munum við kynna frekar hvaða vörur þetta verða og hvar og hvernig salan verður. Við eigum væntanlegar nýjar vörur um mánnaðarmót og má þar nefna t.d. vatnsskynjara á mjög góðu verði og nýjar gerðir gasskynjara.

Við erum komnir með á lager úðabyssur fyrir dufttæki (vandaðar þýskar byssur) með legg að þvermáli 13 og 16mm. Eins með skrúfgangi að innan 18 mm. á t.d. Total slökkvitæki. Byssurnar eru svartar. Verð er frá kr. 830,00 til 1.124,00.

Við höfum fengið á lager þær gerðir af úðastútum og byssum sem kynntar voru í byrjun september síðastliðnum og afgreitt til þeirra sem gert höfðu pantanir í þessa fyrstu sendingu. Dreifibréf með kynningarverðum var sent þann 11. september til slökkviliðanna. Ef þið hafið áhuga á einhverjum gerðum látið okkur vita. Við eigum ennþá flestar gerðir nema Saberjet gerðina. Hún seldist upp og er væntanleg önnur sending fljótlega.

Fyrstu Merceded Benz Sprinter fjórhjóladrifnu sjúkrabílarnir fyrir Ísland innréttaðir hjá Profile Vehicles OY. Þeir eru að koma. 

Við eigum nú fyrirliggjandi eldgalla á lager þ.e. kápur og buxur (Ísland), stuttjakka og smekkbuxur (Keflavík) og svo hálfsíðan jakka og háar buxur í bakið (Reykjavík). Við höfum því miður ekki í ár getað afgreitt á réttum tíma fatnað en nú á að vera komið lag á og erum við smá saman að eignast lager til afgreiðslu strax.

Í byrjun mánaðarins minntumst við á nýjan kennslubækling sem kominn er út frá Holmatro sem er einn stærsti og virtasti framleiðandi björgunartækja í heiminum og að auki eru flest björgunartæki hérlendis frá honum komin. Kennslubæklingurinn er nú kominn til okkar og hefur verið sendur til þeirra sem pantanir höfðu gert. Sjá nánar frétt frá 3. október

Að gefnu tilefni þá vekjum við athygli viðskiptavina okkar á því að við seljum eingöngu búnað eða tæki til eldvarna eða slökkvistarfa sem er  viðurkenndur eftir evrópskum stöðlum og í nokkrum tilfellum NFPA skráningu og viðurkenningu. Stærsti hluti slökkviliða og atvinnuslökkviliðin í landinu eru viðskiptavinir okkar og hafa verið í nánast 30 ár.