Innnes

Tilboði tekið í nýjan slökkvibíl fyrir Brunavarnir á Héraði og Flugmálastjórn. Sjá frétt hér

Hér eru teikningar af tveimur gerðum af kerrum eða vögnum sem báðar eru hugsaðar fyrir upphreinsi eða spilliefnavinnu. Vagnarnir eru með stillanlegt beisli og á fjórum hjólum. Fleiri gerðir af vögnum eru fáanlegar bæði stærri og minni og með mismunandi innréttingum. Þessar kerrur eru um 4 m. á lengdina og 2.50 m. á breiddina. Hæðin 2.95m. þar sem hugsunin var að þær væru manngengar fyrir þann sem sem þarf að skipta um föt eða fara í sturtu vegna vinnu sína.

Fyrir stuttu kom út Slökkviliðsmaðurinn og voru í mjög svo góðar greinar. M.a. var fjallað um ýmsan slökkvibúnað, hagsmunamál slökkviliðs og sjúkraflutningamanna ofl. Greinarnar voru skrifaðar á allt annan hátt en áður og ýmislegt nýtt á ferðinni. Má þar nefna skrif um rétta notkun slökkvitækja, ástand eldvarna hjá ungu fólki, eldvarnir á heimilum, eldvarnarátak, margmiðlunardisk og upplýsingarit frá SHS. Allt mjög fróðlegt og eins og áður sagði sett fram á nýjan hátt enda kominn tími til.

Okkur var rétt í þessu að berast eftirfarandi tilkynning frá Ríkiskaupum.   Ágæti viðtakandi Það tilkynnist yður hér með að ákveðið hefur verið að taka tilboði frá Ólafi Gíslasyni & Co hf með, ISS-ARRF 6100/610 6x6 slökkvibifreið að upphæð kr. 21.683.081,-, sem hagkvæmasta gildu tilboði í ofangreindu útboði.

Slökkvilið Akureyrar hefur opnað þá allra glæsilegustu íslensku heimasíðu sem undirritaður hefur séð til þessa þar sem fjallað er um brunamál. Hjartanlega til hamningju með þetta frábæra framtak. Sérstaklega vönduð síða og mikill fróðleikur. Útlit síðunnar er einstklega notendavænt. Margt að sjá m.a. sögumyndir sem rifja upp fyrir manni hvernig menn litu út sem ungir menn fyrir mörgum hárum. Hér getið þið skoðað síðuna.

Í nýjasta tímariti Utrykning Nr. 4 2005 er ISS Renault Mascot frá Wawrzaszek í Póllandi á forsíðu. Í nóvember í fyrra birtist grein um þessar bifreiðar sem voru þá á sýningu í Svíþjóð (sjá frétt). Við kynntum þessar bifreiðar í lok september síðastliðnum (sjá kynningu).

Úrskurður Kærunefndar útboðsmála í kæru okkar um þá ákvörðun Ríkiskaupa að taka tilboði Múlatinds ehf í útboði Ríkiskaupa nr. 13790 hefur verið birtur okkur. Hann hljóðar eins og fyrri úrskurðir að kröfum okkar er hafnað. Hér má lesa um úrskurðinn. Það sem kemur mér mest á óvart í þessum úrskurði er niðurlagið þar sem kærunefndin kemst að eftirfarandi.

Við höfum nú bætt inn á heimasíðuna upplýsingum um innréttingar og festingar í slökkvibifreiðar ásamt upplýsingum um Ladac hleðslutæki í björgunar og slökkvibifreiðar. Leiðin er slökkvilið - ýmislegt. Eins getið þið skoðað innréttingar og festingar hér og Ladac hleðslutæki hér. Til að byrja með eru upplýsingar um Ladac á ensku en þýðing verður sett inn fljótlega.  

Við höfum endurbætt heimasíðu upplýsingar um Jablotron þráðlausu viðvörunarkerfin en það kemur til af því að nú eru komnar nýjar gerðir stjórnstöðva í stað JA-60 Comfort stöðvanna sem við höfum verið með um árabil. Nýju stöðvarnar nefnast JA-63 Profi. Helsti munur er að þær eru 16 rása sem setja má tvöfalt á hverja svo hægt er að hafa allt að 32 nema þráðlausa. Eins eru fjórar víraðar rásir. Margir nýir m/öguleikar við tölvutengingar og aðgang að kerfum í gegnum síma.

Í frétt hér neðar á síðunni eða frá 6. nóvember nefndum við að líkur væru á að við næðum ekki að vera með ódýru nýju 1s og 2ja kg. duftslökkvitækin fyrir jól þar sem þau biðu EN3 viðurkenningar en unnið væri að því að sú viðurkenning fengist.Nú er það ljóst að við verðum með þessi tæki og þau eru væntanleg í lok viku 49 eða um miðjan desember. Þessi tæki eru á tæplega 20% lægra verði en þær sambærilegu gerðir sem við höfum boðið undanfarið.