Innnes

Við höfum fengið til okkar nýjan starfsmann Þorkel Inga Ingimarsson en hann kemur í stað Kristjáns Ottós Hreiðarssonar sem hætti stöfum nú í byrjun ágúst. Þorkell kemur hingað úr tölvuheiminum eða versluninni Expert og mun sjá um alla almenna sölu hér hjá okkur. Við þökkum Ottó góð störf og óskum honum alls góðs á nýjum vettvangi. Páll Brynjarsson sem hefur verið í sumarafleysingum er farinn í skólann en við eigum von á honum í jólafríinu.

Við sameiningu Hríseyjarhrepps við Akureyrarbæ sameinaðist Slökkvilið Hríseyjar Slökkviliði Akureyrar. Nýkomin var slökkvibifreið (Brunavarna Eyjafjarðar) í eyna en þar hafa þeir góða bifreið með Ruberg R2,5 dælu sem afkastar minnst um 3.000 l. við 8 bar og 3ja m. soghæð. Dæluafköst sem er lágmark í hverju sveitarfélagi.

Er nýr krani á reykköfunarkútinn dýr ?????

Í ár hafa nokkrir viðskiptavinir okkar bætt við sig Holmatro búnaði og má nefna t.d, Slökkvilið Akureyrar og svo Slökkvilið Hveragerðis.

Þingeyjarsveit gekk fyrir stuttu frá kaupum á slökkvibifreið af Ford 550 gerð með 2000 l. vatnstanki, 75 l. froðutanki og FP8/8 dælu sem er dæla sem skilar á lágþrýstingi 1.600 l/mín en hefur ekki háþrýstiþrep. Þetta er sams konar dæla og svonefndar lausar dælur og nær hugsanlega 15 bar þrýstingi. Kaupverð var 11.700.000 án VSK. Undirvagn er líklega tveggja til þriggja ára gamall nú.

Hér sjást niðurstöður úr opnun útboðs Ríkiskaupa í 14 sjúkrabifreiðar fyrir Rauða krossinn

Við óskum Slökkviliði Akureyrar og Akureyrarbæ til hamingju með kaup á slökkvibifreið frá MT-Bílum en á  fundi Framkvæmdaráðs 21. maí síðastliðnn var ákveðið að ganga til saminga um kaup á slökkvibifreið frá MT-bílum ehf á Ólafsfirði á grundvelli aðaltilboðs þeirra. Undirvagninn sem var valinn er af gerðinni Scania P 124 CB 4x4 HZ 420.

Jablotron hefur nú framleitt JA-60SP optískan reykskynjara sem einnig er hitaskynjari, fyrir þráðlausu viðvörunarkerfin.  Við munum fá fljótlega þessa reykskynjara í sölu sem er kærkomin viðbót við Jablotron viðvörunarkerfin. Hann er  á sama verði og jóníski skynjarinn og  hægt sé að prófa hann á sama hátt og jóníska skynjarann þ.e. með fjarstýringu.

Föstudaginn 14. maí sl. útskrifuðust fyrstu atvinnuslökkviliðsmenn Íslands frá Brunamálaskólanum og komu að sjálfsögðu í heimsókn til Ólafs Gíslasonar & Co. Hf. og kynntu sér vöruúrvalið hjá okkur ásamt skólastjóranum Elísabetu Pálmadóttur. Við þökkum þeim kærlega fyrir komuna.

Eftirfarandi eru svör háttvirts umhverfisráðherra við fyrirspurn þingmannsins frú Rannveigar Guðmundsóttur á löggjarfarþinginu 1998 til 1999. Mikill fróðleikur liggur í svörum ráðherrans sem væntanlega eru fengin frá Brunamálastofnun. Þar sem þetta er opinbert skjal datt okkur í hug að setja þetta í frétta dálkinn okkar. Það eru þarna skýringar sem við hnjótum um og höfum leyft okkur að feitletra með rauðum lit.