Innnes

Nú eru jólakort SKB komin í sölu á skrifstofu Styrktarfélags krabbameinssjúkra barna.  Einnig er hægt að panta kortin hér á hlekknum  á heimasíðunni (jólakortið vinstra megin).  Boðið er uppá innáprentun fyrir fyrirtæki og félagasamtök.

Innan skamms kemur ný slökkvibifreið fyrir Slökkvilið Borgarbyggðar af gerðinni TLF4000/200 Renault 4x4 með 450 hestafla vél.

Í tengslum við þing slökkvistjóra nú fyrsta vetradag var hluta af flota slökkviliðanna í Árnessýslu stillt upp við Slökkvistöðina á Selfossi. Af þeim ellefu bifreiðum sem þar voru eru sjö seldar af okkur. Það er til fyrirmyndar að sveitastjórnir og stjórnendur slökkviliðanna í þessari sýslu hafa keypt nýjar slökkvibifreiðar fyrir slökkviliðin en ekki gamlar.

Slökkvilið Súðavíkur fær nú innan fárra daga Tohatsu VC72AS brunadælu sem afkastar 1.300 l/mín við 8 bar og 3m. soghæð um 6m. barka. Einstök í sinni röð og þyngd hennar er aðeins 85 kg. Fyrir örstuttu fékk vertakafyrirtækið Arnarfell sams konar dælu og eins Slökkvilið Langanesbyggðar,   Slökkvilið Grenivíkur og Slökkvilið Borgarbyggðar. Fleiri slökkvilið erum með Tohatsu dælur eins og m.a. Slökkvilið Akureyrar, Fjarðabyggðar og Ölfuss.

Innan skamms koma þrír gámar fyrir SHS sem byggðir hafa verið í Póllandi. Við tókum þátt i útboð á vormánuðm og vorum þar langlægstir með þrjá slíka gáma. Gámarnir fara samkvæmt síðustu upplýsingum til skips í byrjun næstu viku.

Slökkvilið Grímseyjar fá nú Scott Propak reykköfunartæki í slökkvibifreið sína. Reykköfunartækin verða með maska fyrir fjarskiptabúnað þeirra. Á skömmum tíma höfum við náð góðri dreifingu á nýju gerðinni af Scott reykköfunartækjunum þ.e.  þessari nýju evrópsku gerð sem reynist mjög vel eftir því sem við heyrum. Sérstaklega er tiltekið hversu gott útsýni reykafarinn hefur um grímuna enda mjög sérstakt lag á gleri. 

Brunavarnir Árnessýslu eru nú að fá WISS slökkvibifreið TLF6000/200 á Renault Kerax 4 x 4 undirvagni með 450 hestafla vél. Því miður erum við seinir með afhendingar á bifreiðum en það er einfaldlega vegna seinagangs á afhendingu undirvagna. Sökin liggur ekki hjá yfirbyggjanda.

Í september fór nokkuð stór hópur til Wawrzaszek í Póllandi til að leggja lokahönd á útfærslu og búnð í þeim bifreiðum og gámum sem er væntanlegt til landsins.

Við höfum byrjað samstarf við fyrirtækið Asecos en frá þeim fáum við margskonar eldtraust ílát , eldtrausta geymsluskápa og annað fyrir spilliefni og annan hættulegan varning.

Fyrir stuttu voru byggðar fjórar almannavarnarbifreiðar fyrir dönsku Almannavarnirnar hjá ISS-Wawrzaszek í Póllandi. Þær eru um margt mjög sérstakar en þær eru byggðar eftir hugmyndum  kaupanda. Bifreiðarnar hafa vakið mikla athygli fyrir ýmsar útfærslur og lausnir.